وصفات مغربية مجربة | للمثقفة عن الزواج كتحيد العكس وترجع الزهر

باسم الله بديت و على النبي محمد صليت أدويو أدويو روميلة قدها مليح و قلبها ضاوي كل ما يبني البناي يطيح ولي تبنيه هي يسجالها شلخة شلخة ياسيدي بوعلام الجيلالى.

أسمعوا يا لبنات قالو ألى عزبة ركبوها وألى هجالة تسوق البغلات حاشاكم.واليوم جبتلكم هذ الطريقة الجزايرية ألى يعرفوها غ ولاد لبلاد نتاع الصح و تصلح للعزبة و الهجالة و نتحدى جميع وحدة تقولى درتها و ماكاينْ حالة.

مقادير الوصفة المجربة لحل الثقاف 

ألى دير هذ الوصفة و ماتزوّش ماهيش نورمال.

طولت عليكم ياك؟أما بعد: تاخذي على بركة الله نهار الخميس(الفاسوخ الأبيض شندكورة السرغينة السدرة العرعار الخزامة أم الناس قصبر قرنفل فيجل ورد ريحان حنة ورق)غليهم و صفيّ هذاك الماء وزيدي كبي عليه قرعة تاع ماء ورد و قراي عليه سبعة مرات الفاتحة.

ومن بعد تقولي :""مايا يا لمانْ يالي جيتْ منْ عرشْ الرّحمانْ يا حيّايْ النّفُوسْ ويا غرّاس الغْرُوسْ يالي غسلْ بيكْ سيدنا محّمد ليلةْ ما دخلْ عروسْ طهّرْلي لحمي المنْجوسْ إلا منْ تحت يدينْ السادات الله يكفيهمْ ولا من تحت يدّين خاوتنا الله يهديهم بقول الله و بقول الرسول سيدي محمد المذكور يثبت هاذ القول ياربي يافتاح فك العقدة تعْ فلانة بنت فلانة"" , تغسلي بيه وتلمي هاذاك الماء و ترميه في كاشي جردينةوتكوني شريتي مع هذوك لعشوب :مشطة ومرايا عادية و زوج شمعات بيضين إذا قدرتي تع لعروسة أحسن و باكي حنة جديدوشوفي شكون معاك فالدا يعاونك..

و ديري كما العروسة نهار الحنة:

تسرحي شعرك بهذيك المشطة وتخزري في هذيك المرايا و يقابلوك زوج وحدة على يمينك و وحدة على يسارك و هما شادين هاذوك الشمع شاعلين وأمك ولا أي وحدة تحنّيلك و لازم يقدمّو عليك بالتقديم تع لعروسة و يزغرتو عليك كبحال صح من بعد أرمي المشطة والمريا و الحنة ألى بقات دردريها في كاش سوق عامر وهذوك الشمع خليهم شاعلين حتى يطفاوْ.

ألى أديرها نطلب منها تدعي لأمّي بالشفاء لأنها مريضة جدا ..وشكرا.